Déi zwou Pisten, déi sech elo erausschielen, wiere schlecht a si géifen op katastrophalen Projektioune berouen, nämlech op Projektiounen, déi sech bis elo nach ëmmer als falsch erwisen hätten.
Déi Lénk plädéiere fir e staarken, gerechten an nohaltege Pensiouns-Regim, amplaz d‘Depensen ze reduzéieren, missten endlech d‘Recetten eropgesat ginn An dofir proposéieren Déi Lénk, ënner anerem, fir de Plaffong vun de Cotisatiounen ofzeschafen an all Aarbechts-Elementer ze cotiséieren.
Eleng déi zwou Mesure géifen 800 Milliounen Euro zousätzlech u Recetten eraspillen. Déi Lénk sinn och dofir fir déi kleng Pensiounen un de soziale Mindestloun unzehiewen.