De Bildungsminister Claude Meisch huet d’ Resultater um Dënschdeg virun der Press presentéiert. D’Schüler:inne sinn an zwee digitale Kompetenzberäicher getest ginn. Am éischten Deel goufen d’Computer- an informatiounsbezunne Kompetenze getest. Do huet Lëtzebuerg et op déi 17. vu 35 Plaze gepackt a läit domat iwwert dem ICILS Duerchschnëtt. Am informateschen Denke läit Lëtzebuerg nach ënnert dem internationalen Duerchschnëttswäert.
Am Joer 2018 waren d’ Lëtzebuerger Schüler:innen nach op déi lescht respektiv zweetlescht Plaz komm. De Bildungsminister féiert dësen Erfolleg ënnert anerem op d’Aféierung vun digitale Kompetenz -Fächer am Cycle Fondamental an am Secondaire zréck.
Et wier awer nach Loft no uewen sou de Claude Meisch. Demo géif och un engem néie Léierplang fir d’Grondschoul geschafft ginn an dem digital Kompetenz an informatesch Denken nach besser verankert wären.