D'Zuel 86 kann am amerikanesch-englesche Slang heeschen, datt eng Persoun erausgehäit oder eliminéiert soll ginn. De fréieren FBI-Direkter James Comey weist d'Virwërf zeréck.
Hie war wärend der éischter Amtszäit vum Donald Trump als FBI-Direkter entlooss ginn, nodeems hien eng Enquête opgemaach hat iwwer russesch Amëschung an d‘US-Presidentewale vun 2016. Den Donald Trump huet duerno ëmmer nees juristesch Poursuitte géint de Comey gefuerdert.
Am Hierscht zejoert war hien eng éischte Kéier wéinst falschen Aussoe virum Kongress ugeklot ginn. E Geriicht hat d‘Uklo ofgeleent, well d‘Nominatioun vun der deemoleger Procureur net legal war.
