D‘Handwierkerfederatioun warnt, datt d’Haaptursaach vun der Wunnengskris zu Lëtzebuerg net d’Loyeren, mee e strukturelle Manktem u Wunnenge wier. An engem Communiqué kritiséiert d’Federation des artisans déi aktuell politesch Diskussioun iwwert eng méi staark Regulatioun vum Locatiounsmaart.
Dëst géif keng nei Wunnenge schafen a kéint esouguer Investisseuren ofschrecken.
D’Federation des Artisans fuerdert dofir, datt de Fokus nees op d’Baue geluecht gëtt. Gläichzäiteg sollen administrativ Prozedure vereinfacht an Investitiounen am Wunnengsbau méi attraktiv gemaach ginn.
