/ Héchst Zuel vu weltwäiten Hiriichtungen zënter 2015
D'Zuel vun Hiriichtungen, déi weltwäit erfaasst ginn, ass op den héchsten Niveau zënter 10 Joer geklommen. Dat huet d'Mënscherechtsorganisatioun Amnesty International matgedeelt. Zejoert wiere méi wéi 1.500 Hiriichtungen a 15 Länner dokumentéiert ginn.
1 min
Déi meescht Hiriichtunge vu Leit, déi zum Doud verurteelt goufen, gouf et a China, Iran, Saudi-Arabien, Irak a Jemen, esou Amnesty International.
D'Organisatioun betount: Déi reell Zuel vun Hiriichtunge wier warscheinlech vill méi héich, well Hiriichtungen dacks net offiziell matgedeelt géife ginn. Dat wier virun allem a China de Fall.
