100komma7.lu

/ International digital Sichaktioun: 45 ukrainesch verschleefte Kanner entdeckt ginn

Europol

| Haut - 16h22

1 min

International digital Sichaktioun: 45 ukrainesch verschleefte Kanner entdeckt ginn

D‘Kanner wiere warscheinlech mat Gewalt an déi besate Gebidder vun der Ukrain, a Russland oder a Belarus verschleeft ginn, esou Europol. Déi ukrainesch Autoritéite wieren informéiert ginn. D‘Enquêteuren hätte probéiert fir d‘Kanner online a mat Gesiichtserkennung ze fannen, heescht et.

1 min

Europol (Foto: Europol)

Et ass déi drëtt international digital Sichaktioun vun Europol. Zënter dem Ufank vum Krich an der Ukrain goufe geschat 20.000 Kanner aus de besate Gebidder an der Ukrain a Russland oder Belarus verschleeft.

E puer wiere vu russesche Staatsbierger:innen adoptéiert ginn. Anerer géifen a sougenannten "Ëm-Erzéiungscampen" oder psychiatresche Klinicke festgehale ginn.