Den Nationaltrainer Luc Holtz ass trotzdeem net onzefridde mat senger Equipe.
"Wann ee mech kennt, da sinn dat doten Defaiten, wou ech awer enttäuscht sinn iwwer d'Resultat, an awer op där anerer Säit sinn ech houfreg iwwert d’ Aart a Weis wéi Fussball gespillt ginn ass."
D'Aart a Weis wéi gespillt gëtt, wier fir hien dat Allerwichtegst.
E Méinden treffen d’ Rout Léiwen heiheem dann nach op Nordirland. Fir d‘Nordire geet et dobäi nach ëm den Opstig an d’ Liga B vun der Nations League. Ganz ëm näischt geet et fir d’ FLF-Selectioun allerdéngs och net, well déi zwee bescht Gruppelescht nach e Barrage ëm de Maintien an der Nations League Grupp C spillen.