Normalerweis wier den Accès op Dokumenter réischt 75 Joer no sengem Doud, also am Joer 2082, de Fall. Well d‘Virwërf awer sou grave sinn, géif dës Ausnam gemaach ginn.
Den Abbé Pierre, deen 2007 gestuerwen ass, hat déi international Hëllefsbeweegung Emmaus gegrënnt a war a Frankräich als de Papp vun den Aarme bekannt. An Zwëschenzäit hunn zeg Meedercher a jonk Fraen de Geeschtlechen ugeklot, si sexuell mëssbraucht ze hunn. Dat tëscht de 50er Joren an 2000.