Den Dr. Naeseh war am Juni 2024 vun der CSV-Ministesch Martine Deprez fir 18 Méint suspendéiert ginn. Als Begrënnung hat d’Gesondheetsministesch uginn, datt de Mann ënner Eed net vun Antecedente géint hien a Frankräich geschwat, an deemno dem Collège médical an dem Ministère géintiwwer falsch Informatioune ginn hätt.
De franséischen Dokter war am Oktober 2023 scho vun der franséischer “Chambre disciplinaire nationale de l’ordre des médecins” fir annerhalleft Joer suspendéiert ginn.
Dokter praktizéiert nees an der Stad
Géint d’Decisioun vun der CSV-Ministesch Deprez hat de Mann geklot, an éischter Instanz um Verwaltungsgeriicht, awer Onrecht kritt. No senger Suspensioun hei am Land praktizéiert den Dr. Naeseh iwwregens zënter Enn zejoer matzen an der Stad.
Reporter.lu no war de Mann viru senger Suspensioun a Frankräich iwwregens schonn an der Schwäiz zu 3 Joer Prisong, d’Hallschent dovu mat Sursis, verurteelt ginn, wéinst Bedruch a Fälschung.
Donieft war decidéiert ginn, datt den Dokter d’Alpeland fir 5 Joer misst verloossen.
