Dëst géif virun allem um Héichdrock an dem domat verbonne Manktem u Wolleken a Ree leien.
Datt d’Wollekebildung um Himmel iwwer Europa ëmmer manner gëtt ass e Phänomen, deen de Luca Mathias an de leschte Jore konstatéiert. Wat d’Wieder fir déi nächst Deeg ugeet, erwaart hie sech keng Ofkillung.
"Donneschdeg, Freideg si mir bei de Maximaltemperaturen esou ëm déi 25 bis 27 Grad. An da vun den Tendenzen hier an de Modeller schéngt et erëm ab e Samschdeg a Richtung 30 Grad an dann Ufank nächste Woch vläicht nees driwwer ze goen."
Aus den Hëtztperiode wier een deementspriechend och nach net zu 100 Prozent eraus, seet de Meteorolog.
"D'Modeller deiten erëm eeben drop hin, datt et d'nächst Woch, respektiv ab dem Weekend, am Laf vun nächster Woch eventuell nees an en Hëtztberäich kéint goen."
Ausser vereenzelt bei Donnerwieder wier och kee gréisseren Néierschlag an nächster Zäit ze erwaarden, esou nach de Luca Mathias vum staatleche Wiederdéngscht MeteoLux.
Lauschtert hei de ganzen Interview mam Meteorolog Luca Mathias
