Dat virun allem an Afrika wou nach ëmmer de Gros vum Kakao, nämlech 40 Prozent vum weltwäite Bedarf, produzéiert gëtt.
Datt de Schockela am Supermarché méi deier gëtt, läit awer och un der Aart a Weis wéi déi grouss international Hiersteller funktionéieren, seet den Tom Oberweis, Vertrieder vun den Zockerbäcker vun der Confédératioun vum Liewensmëttelhandwierk.
Déi grouss Produzenten haten eigentlech grouss Stocken ugeluecht vun deene se gelieft hunn. D‘Präishausse vum Kakao huet awer vill méi laang gedauert, wéi dës Stocke gehalen hunn an dofir hunn d‘Produzenten de Kakao dunn awer iergendwann misste méi deier kafen an de Schockela an der Suite méi deier verkafen.
