100komma7.lu

/ Rhäin: Däitsche Verkéiersminister wëll Sonndesfuerverbuet fir Camionen ophiewen

Niddreg Waasserstänn

| Haut - 15h06

1 min

Rhäin: Däitsche Verkéiersminister wëll Sonndesfuerverbuet fir Camionen ophiewen

Den Impakt vun den historeschen niddrege Waasserstänn vum Rhäin an anere Flëss op déi däitsch Wirtschaft ass Theema bei enger Reunioun haut tëschent dem CDU-Verkéiersminister Steffen Bilger an den däitsche Wirtschaftsverbänn.

1 min

(Foto: EPA/FEDERICO GAMBARINI)

Den CDU-Minister huet proposéiert, d'Sonndesfuerverbuet fir Camionen opzehiewen, fir méi Verkéier vum Floss op d‘Strooss ze bréngen.

Well d‘Waasser esou niddreg ass, kënnen d‘Schëffer nämlech net méi esou vill lueden. De Ministère géif scho Gespréicher mat der Deutsche Bahn féieren.

Am Moment géifen et zwar nach keng Versuergungs-Enkpäss ginn, mee d‘Gefor dofir bestéing awer.