Kultur

Wann dir haut gifft den 1938 vum Orson Welles produzéierten a live op CBS diffuséierten Radiodrama “War of The Worlds”, also "Krieg der Welten" héieren, giff Dir da panesch reagéieren a wierklech fäerten, well Dir dat gleewt, wat Der do als vermeintlech Realitéit erzielt kritt?Dir rëselt lo de Kapp a sot: ma nee, natierlech giff ech dat net gleewen.Wa mer an dësem oder ähnlechen Zeenarië verschidde Paradigmen änneren, da kéint et eis haut nawell nämlecht goen, wéi den Nolauschterer vu CBS den 30. Oktober 1938. Iwwert déi méiglech Auswierkungen vu Medieninformatiounen op de Mënsch an d’Uersaachen dovunner, huet d’Nathalie Bender sech mam Psychanalyst a Philosoph Thierry Simonelli, deen och Mataarbechter um 100,7 ass, ënnerhalen.“Krieg der Welten” an aner Wierker vum Orson Welles grad wéi de Personnage Welles selwer stinn och ma am Mëttelpunkt vum Kulturmagazin, emol well et haut 100 Joer sinn, datt dësen aussergewéinleche Film,-Theater- a Radiomann gebuer gouf, awer och am Kontext vun eisem 100,7 Radiopräis, bei deem, als Hommage un den Orson Welles, den Thema “Krieg der Welten“ ass, an Dir opgeruff sidd, en Hörspill ze schreiwen an deem d’Thema “Krieg der Welten” aktuell, an op eis Groussregioun gemënzt, opgeschafft gëtt. Détailléiert Informatiounen fannt der op 100komma7.lu, an der Rubrik 100,7 Radiopräis (http://www.100komma7.lu/lu/radioprais/)