Duebelen Asaz an eng Identifikatioun mam Trainer: Den Trainer ze gesinn, ass Motivatioun fir ze üben - Vu 600 Memberen hu sech bannent kuerzer Zäit 1.200 Memberen am Facebook-Sport-Grupp vun der Stad Lëtzebuerg mobiliséiert.
Mat engem dynamesche Programm, Sport vun doheem zweemol an der Woch, deen iwwer déi sozial Medie proposéiert gëtt, wëllt den Celestino Fecchi, Trainer bei Sports pour tous vun der Stad Lëtzebuerg, all Sportbegeeschterten erreechen: Vu Kanner bis bei Senioren.
Datt dat esou gutt ukënnt, hätt den Trainer net geduecht. D'Leit si motivéiert wa si hie gesinn. Si wëlle sech mat him identifizéieren, dofir ass de visuelle Kontakt hei ganz wichteg. Dësen Trainingsprogramm, anescht wéi gewinnt an der Hal, verlaangt vill Energie vun him. Hien ass awer ganz iwwerwältegt vun de léiwe Messagë vun de Leit.
Den Celestino Fecchi wëllt esou laang weidermaachen, wéi et muss si, duerno geet et awer nees an d'Sportshal.
D'Angie Maquil huet mat him geschwat.
