De Large Scale Testing fir de Coronavirus wier wéi d'Solidaritéit beim Impfen: "Et fonctionéiert just wann e groussen Deel matmécht", esou de Fuerscher Alexander Skupin, Member vun der Corona-Task Force.
Déi 53.000 Tester vun der zweeter Phase (vun August un), déi pro Woch solle gemaach gi, wieren en "eenegermoosse gelongene Kompromëss". Reng aus wëssenschaftlecher Vue wier et gutt, wann nach méi Leit géife reegelméisseg getest ginn. Mee et misst een och kucke, wéi vill Tester een de Leit kéint zoumudden ouni den Eenzelen z'iwwerfuerderen.
Mat 53.000 Tester pro Woch kéint een jiddefalls relativ effektiv virgoen a ganz séier positiv Fäll identifizéieren, och bei Leit déi guer keng oder nach keng Symptomer vun der Covid-19-Krankheet hunn.
De Jean-Claude Franck huet sech mam Alexander Skupin ënnerhalen.
