En naturnoe flotte Gaart ouni Pestiziden. Gréng an ouni Steng mat enger Kannerstuff fir d'Päiperleken.
E Gaart, deen och net vill Aarbecht mécht. D'Ëmweltberodung Lëtzebuerg EBL gëtt en Abléck mat prakteschen Illustratiounen, wéi een an engem naturnoe Gaart, mat wéineg Opwand, eppes fir d'Natur a fir d'Biodiversitéit maache kann.
Zanter méi wéi zéng Joer setzt d'Campagne Ouni Pestiziden sech a fir eng Reduktioun vum Gebrauch u Pestiziden, och am private Beräich. Op den ëffentleche Flächen ass den Asaz vu Pestiziden zanter 2016 verbueden, do ass d'EBL net ganz onschëlleg drun.
Wou de Wee an der Landwirtschaft nach laang ass, well et e wirtschaftlechen Impakt gëtt an de Bauer ëmdenke muss, do ass et doheem am Gaart a ronderëm d'Haus ëm sou méi einfach dat ëmzesetzen. Et brauch ee sech just ze decidéiere keng Pestiziden méi ze huelen. D'Marianne Kollmesch vun der Ëmweltberodung informéiert. Eng Serie vum Angie Maquil
http://www.ebl.lu
