Biotop
Klimawandel konkret zu Lëtzebuerg
13 min
Grouss Aktioune si wichteg, awer och kleng Aktiounen, mat deene mir eis all engagéiere kënnen.
De Klimawandel ass e Fakt, awer et ass keng Fatalitéit géint déi et keng Léisung gëtt. Déi verbreet Iwwerzeegung, datt den Eenzelen d'Situatioun net ännere kann op senger eegener Skala, ass falsch. Fir d'éischt erënnere mir, wat de Klimawandel fir d'Atmosphär an d'Wieder zu Lëtzebuerg bedeit. Wéi gouf d'Temperatur bis elo scho beaflosst, a wéi eng Prognose kënne mir fir d'Zukunft maachen? Lues a lues kréie mir déi Ännerungen ze spieren, och wa se nach net dramatesch schéngen.
Ännerung am Klima: Eis duerchschnëttlech Lofttemperatur ass vun 8,3°C op 9,8°C geklommen, grad wéi och eng staark Hausse vun den Hëtztdeeg (iwwer 30°C) an vun den extreemen Hëtztdeeg (iwwer 35°C) registréiert goufen.
Wéi ass et mat den Nidderschléi, mam Schnéi a mat den Hëtzdeeg? Mir berouen eis hei op déi offiziell wëssenschaftlech Donnéeë fir Lëtzebuerg. Mir wäerten och déi problematesch Konsequenze vum Klimawandel zu Lëtzebuerg ënner d'Lupp huelen: méi Drécheperioden, méi extreem Wiederevenementer, ekologesch Perturbatiounen ... De Klimawandel ass eng eescht Saach, mir mussen eis bewosst sinn, wéi eng Erausfuerderung virun eis steet. Fir op enger positiver Nout opzehalen, deele mir natierlech och e puer Iddie fir konkret alldeeglech Gesten, déi jiddweree lues a lues als ekologesch Gewunnechten ophuele kann. Grouss Aktioune si wichteg, mee hei konzentréiere mir eis op kleng Aktiounen, déi jiddwereen engagéieren
Informatiounen an Erklärunge ginn et mam Gil Kirchen vun der Ëmweltberodung, deen och dëst recommandéiert fir all aktiv Klimabierger:
- Mir hunn elo gratis ëffentleche Verkéier, esou brauche vill Leit net méi op den Auto zeréckzegräifen.
- Manner Déiereprodukter iessen ass e grousse Schrëtt. Eng ganz vegan Ernärung z. B. reduzéiert d'CO2-Emissiounen ëm d'Hallschent.
- Lokaalt a saisonal Uebst a Geméis spuert och Energie a CO2.
- Mir liewen zu Lëtzebuerg gréisstendeels am Confort an de Konsum ass héich. Vill kafen heescht och vill produzéieren, a vill produzéieren heescht vill CO2. Mir kéinten ëfters aus zweeter Hand kafen, mat den Noperen deelen, al Saache wäertschätzen a flécken oder souguer selwer kreativ ginn a bastelen.
- Mir denken net onbedéngt drun, mee gesond, lieweg Biedem späicheren CO2. Eng aner Iddi ass also einheimesch Blummen ze planzen an de Gaart mat Kompost ze düngen.
Episoden
Naturerliefnisräim - eng gréng Oas fir all Alter
Wärend fréier d’Kanner op der Gewan gespillt hunn, verbrénge si haut déi meeschten Zäit an engem urbaniséierten Ëmfeld. Wat kann dat fir Problemer mat sech bréngen a wéi kënne Naturerliefnisräim eng Léisung sinn?
Bongerten - méi wéi nëmme Beem
Wousst Dir schonn, datt Bongerten d’Aartevillfalt fërderen an d’Klima schützen? Dës Kulturlandschafte bidde wäit méi wéi nëmme frëscht Uebst. Den Naturschutzzentrum A Wiewesch gëtt en Abléck.
Besser uséien oder léiwer fäerdege “Rollrase” leeën?
Wéi aarbechtsintensiv sinn déi zwou Varianten?
ReStruktur an nationalen Dag vum Bam
ReStruktur an den nationalen Dag vum Bam sinn zwee Projete mam Ziel d’ökologesch Strukturen an der Landschaft ze verbesseren.
Honnertjäreg a fit
Wéi Gaardenaarbecht an den eegenen Uebst- a Geméisubau dozou bäidroe kann
Landwirtschaft a Naturschutz, geet dat?
Eis oppe Kulturlandschaft ass eréischt duerch d’Aarbecht vum Mënsch entstanen, well hie säit Joerdausenden de Buedem urbar gemaach a Liewensmëttel produzéiert huet.
D'Virstellung vun der Administration de la nature et des forêts ANF
Et geet drëms engem breede Publikum d'Wäertschätzung vun der Natur an e bewossten Ëmgang mat den natierleche Ressourcen ze vermëttelen.
"Hondskéipercher” an der Natur
Hondskéip an hiren negativen Impakt op eis Ëmwelt, méi konkret op de Mënsch, aner Déieren an d’Natur
Aktioun Kaweechelchen
Kaweechelcher si leider ëmmer grousse Geforen am Stroosseverkéier ausgesat. Dofir huet natur&ëmwelt eng nei Aktioun an d’Liewe geruff.
Den Distelfalter - e Päiperlek op Rekord-Wanderung
Déi faszinant Geschicht vum Päiperlek a firwat mir e schütze mussen.
Nohaltegkeet am Gaart
Ausser op Pestizide verzichte gëtt et nach vill Méiglechkeeten nohalteg am eegene Gaart ze schaffen.
Päiperleksmonitoring an Insektesummer
Insekte spillen an eisem Ökosystem eng wichteg Roll, allerdéngs wësse mir ëmmer nach net genuch iwwer dës Déieregrupp. De Monitoring soll dat änneren.
Wäibau an Naturschutz
Firwat sinn déi traditionell Wéngertsstrukturen net nëmme fir d’Wäiproduktioun wichteg, a wat kënnen d’Wënzer fir d’Bestëbser maachen? Firwat ass Villfalt wichteg fir d’Resilienz vun de Wéngerten?
Gedankefloss: Philosophéieren iwwer Ëmwelttheemen
De Projet "Gedankefloss“ proposéiert philosophesch Ronnen ze organiséieren, fir zesummen iwwer Ëmweltfroen nozedenken an nohalteg Léisungen ze fannen.
D’Naturschutzgebitt Ellergronn mat senge Wanderweeër a Biotopen
Eng divers Natur an de Patrimoine vun der deemoleger Eisenindustrie fléisst hei zesummen.
Seejomessen a Schleeken am Gaart
En natierlechen Botzdéngscht am Gaart
Einheimesch Séisswaassermuschel: Notzen, Schutz a Bedroung
Siwen einheimesch Muschelaarte ginn et zu Lëtzebuerg.
Verschwannen d'Bestëbser?
Zanter Jore gëtt ee staarke Réckgang vun de Bestëbser-Insekten observéiert. Dat huet e puer Grënn: d’Flächeversigelung, den Asaz vu Pestiziden an d’Verschwanne vun den natierlechen Narungsquellen a Liewensraim vun de Wëllbeien oder Päiperleken.
Wat bedeit et wann e Beräich zum Naturschutzgebidd proclaméiert gëtt?
Op der Musel ginn et 4 interessant Naturschutzgebidder, de beschtbekannten ass de Biodiversum Camille Gira.Mee wat mécht dësen esou besonnesch?
