De Filip Markiewicz gouf 1980 zu Lëtzebuerg gebuer an ass e multidisziplinäre Kënschtler, dee bis 2006 zu Stroossbuerg Konscht studéiert a sech gläichzäiteg als Museker en Numm gemaach huet.
De Lëtzebuerger vu polnescher Ofstamung setzt Kritik an eng gewësse politesch Wendung op "d'Noriichten" an ënnersträicht d'Eidelheet vun eiser iwwerproduktiver visueller Welt, wou Neiegkeeten zur Realitéit ginn an net de Géigendeel. Wärend de Kapitalismus zu enger Ideologie ginn ass a sech déi nei Kathedrale vum Massenausdrock verankert, ënnersicht de Markiewicz e puer Aspekter vun der Onzefriddenheet vun den europäesche Bevëlkerungen: soziaalt Onwuelsinn, Migratioun, Kricher, reliéisen Integrismus, d'Notze vu Räichtum a Ressourcen, de Wäert vun der Konscht als Reflexioun vun der Kultur. Seng Bereetschaft zeréck op de Bläistëft an de Pabeier ze goen entsteet aus der Noutwennegkeet enger digitaliséierter Welt vun abstrakte Beweiser eppes Handfestes, vu Formen a Faarwe Geleetes entgéint ze stellen.
Hien huet Lëtzebuerg 2015 op der 56. Biennale vu Venedeg (2015) mat sengem Projet "Paradiso Lussemburgo" vertrueden. Seng Wierker goufen ënner anerem am Akershus Kunstsenter Oslo, am Contemporary Art Center zu Lëtzebuerg, am C+N Canepaneri zu Mailand an am Aeroplastics contemporary zu Bréissel ausgestallt.
Als Museker Raftside huet hien iwwerdeems virun 2 Joer “Ultra Social Pop” erausbruecht, d’Plack zur Ausstellung am Fong. Mat senger Playlist knäppt hien hei Relatiounen tëschent Konscht a Musek an annoncéiert als Scoop säi kommenden Album.