Jidderee kennt Situatiounen am Alldag, an där een als Eltere manner Gedold huet, wéi ee sech et wënscht. Seng Kanner konstruktiv ze ënnerstëtzen ass fir vill Elteren awer zentral wichteg.
D’Institutioun Erzéiungs- a Familljeberodung beschäftegt sech mat deem Theema mëttels der Entwécklungsënnerstëtzungsmethod Marte Meo zanter Joren.
De familiären Alldag ass vu villen strukturéierte Situatioune gepräägt. Eltere musse vill Saachen am Dag mat hire Kanner maachen, wéi zum Beispill Hausaufgaben, Iessen, Opraumen, ..., bei deene si d’Leedung hunn. Nieft der Schoul an Hobbye bleift dacks wéineg Zäit fir kreativ Fräiräim. Et feelt dann dacks u Rou, an där d’Kand ka seng eegen Iddien an Interesse entwéckelen an d’Eltere gläichzäiteg Zäit hunn, sech dobäi ze setzen, fir den Iddie vun hirem Kand ze suivéieren. Esou Momenter kéinten awer op einfach Aart a Weis am Alldag fonnt ginn an e bësse méi Raum kréien. Een Element, op dat dës Emissioun de Fokus leet ass “opmierksam Waarden”. Dat heescht, datt een als Eltere bewosst kuckt, wat d’Kand an enger freie Situatioun genee mécht, an d’Initiativ dann am gemeinsame Kontakt suivéiert.
Wie gäre méi übe wëllt a sech dodriwwer eraus och mat aneren Eltere gäre wëllt austauschen, ka sech bei der Erzéiungs- a Familljeberodung fir de Cours “Versteesdemech - Bedierfnesser erkennen, d'Entwécklung ënnerstëtzen” umellen.
Invitée ass d‘Maja Hehlen, lic.-phil. Psychologin bei der Erzéiungs- a Familljeberodung. (www.erzeiungs-a-familljeberodung.lu)