Den Alberto Caicedo ass e kolumbianesche Komponist, Multiinstrumentalist a Visionär an der Welt vun der Salsa. Hie kënnt vu Guapi un der Pazifikküst vu Kolumbien. Seng Musek ass eng mächteg Fusioun vun traditioneller Salsa an de üppegen, perkussive Rhythme vu senger Heemecht: E Sound, deen déif verwuerzelt ass a gläichzäiteg kéng no vir geriicht ass.
Als autodidaktescht Wonnerkand, dat spéider um Rotterdamer Conservatoire studéiert huet, ass de Caicedo e Meeschter vun enger breeder Palett vun Instrumenter, déi eng ongeheier Villfältegkeet a Konscht a seng Optrëtter bréngen. Seng beandrockend Karriär ëmfaasst Zesummenaarbechte mat Salsa-Ikone wéi dem Cheo Feliciano, dem Willie Colón an dem Yuri Buenaventura, wat seng Positioun op der internationaler Bün bestätegt.
Live bitt den Alberto Caicedo méi wéi nëmme Musek: Hie kreéiert e liewege Spektakel vu Kultur, Zesummenhalt an Innovatioun. Seng Showe si bekannt fir hir Energie, déi elektrizéiert, emotional Déift a musikalescht Kënnen, dat hien zu engem eenzegaartegen Artist op all Bün mécht.
Zënter 2011 lieft de Caicedo zu Lëtzebuerg, wou hien nieft senger musikalescher Karriär latäinamerikanesch Musek um Conservatoire vun der Stad Lëtzebuerg enseignéiert. Muer den Owend kënnt säin Album “Horizontes” eraus, presentéiert am Kader vun engem Concert am Trifolion zu Iechternach. Héich Zäit de Mann eemol virun de Mikro ze lackelen an iwwer verschidden Zoossen ze schwätzen.