Dem Robert Finlay (e 54er Joergang) seng Wuerzelen leien an enger déif reliéiser Famill vu Landpächter am Louisiana. D'Gittarspill huet hie sech selwer bäibruecht, seng rau Stëmm a coole Charisma komme gutt un!
Säin Album "Hallelujah! Don't Let The Devil Fool Ya" ass vum Dan Auerbach produzéiert an op dësem sengem Label Easy Eye Sound erauskomm.
De Black Keys hiren neien Album ass "Peaches" iwwerschriwwen. Beim Lidd
"Who's Been Foolin' You" geet et ëm Verrot a Mësstrauen. D'Original staamt ursprünglech vun der Blues-Legend Arthur genannt "Big Boy" Crudup. E klasseschen Delta-Blues deen - wéi mir dat vun de Black Keys gewinnt sinn- eng uerdentlech Dosis Rock verpasst kritt!
Cage The Elephant ass eng Band aus dem Kentucky, déi 2006 gegrënnt gouf an zënter deem geschat gëtt fir hir Rock-Musek an och fir hir Energie-gelueden Live-Optrëtter, bei deenen -esou heescht et- hire Frontmann Matt Schultz eng charismatesch an och onberechenbar Büne-Presenz hätt.
Ëm Global Krisen an och ëm Anefuerschung geet et beim Saul Williams sengem neien Album "Leap Life", deen am August erauskoum. En Disk, deen engersäits dem Gedenken un d'Affer aus de Krisegebitter weltwäit gewidmet ass, an anerersäits sech mat der Kommunikatioun ausenanersetzt mat deenen déi net méi liewen ...
Den Touch vum Dan Auerbach ass och beim amerikanesche Folk-Duo Moonrisers hirem 2025er Album Harsh & Exciting ze héieren, deen den Disk produzéiert huet.
Mir entdecken de Gaël Faye, franséisch-ruandesche Rapper, mat sengem Titel "Solstice", deen an der Zesummenaarbecht mam Saul Williams entstan ass. D'Lidd gouf 2017 als Opener um Gaël Faye senger excellenter EP "Rythmes et botanique" verëffentlecht an och hei geet et ëm Engagement a Matgefill.
"Punching The Clown", esou heescht den neien Album vu Lambchop, bei deem de kreative Kapp vun der Band, de Kurt Wagner, nodeems e jorelaang mat der Elektronik experimentéiert huet, komplett zeréck kënnt zu engem analogen, reduzéierte Sound aus Folk, Country a Gospel.
Och frësch erauskomm ass der amerikanescher Art-Pop Musekerin Julia Holter hiren Album "Materia". De roude Fuedem hei ass der Julia Holter hir Faszinatioun fir d'Hildegard von Bingen ...
Playlist:
01. Robert Finlay - I Wanna Thank You - Hallelujah! Don't Let The Devil Fool Ya
02. Black Keys - Who's Been Foolin' You - Peaches 2026
03. Jack White - G.O.D. And The Broken Ribs - Single
04. Grenzkontrolle - Schwarzes Schaf - Edelweiss EP
05. Cage The Elephant - Trouble - Tell Me I'm Pretty
06. Muse - Unravelling - The Wow! Signal
07. Saul Williams - Mazahua - Leap Life
08. Saul Williams - Robot Slave - Leap Life
09. Gaël Faye - Solstice (feat. Saul Williams) - Rythmes et Botanique
10. Moonrisers - Further Down - Harsh & Exciting
11. Moonrisers - Harsh & Exciting - Harsh & Exciting
12. Lambchop - A Doctor in The House - Punching The Clown
13. Lambchop - White People - Punching The Clown
14. Westside Cowboy - Coyote - It Goes On
15. Julia Holter - The Laugh Is In The Eyes -Materia
16. Anne Paceo - Mantha - Atlantis