- Den Neijoerschconcert mat de Lëtzebuerger Philharmoniker live um radio an opus 100,7
D’Lëtzebuerger Philharmoniker fänken dat neit Joer lëschteg un, mam Richard Strauss senger Toundichtung “Till Eulenspiegels lustige Streiche”. Do dernieft stinn awer och Bonbonen, wéi dem Edward Grieg seng “Morgenstimmung” oder dem Johann Strauss (Sohn) seng weltbekannt Walz “An der schönen blauen Donau”. De Rendez-vous fir dës Live-Iwwerdroung ass den 8.1. um 19:30 Auer.
- Lëtzebuerger Produktiounen aus 2024
Och 2024 war ee produktiivt Joer, wat d'klassesch Musek ubelaangt.
Net nëmmen hu mir an eisem Programm 14 verschidde Produktioune virgestallt, mee och gouf mat Luxembourg Classics een neie Label gegrënnt, dee vun Ufank un nei Albume lancéiert huet. Mee wéi eng Produktioune konnten eis Klassik-Ekipp esou begeeschteren, datt se et als perséinleche Coup-de-coeur gepackt hunn?
- Hanner den Téin - Episod 2 mat der Cathy Krier
An dësem Episod erzielt d’Pianistin Cathy Krier iwwer d’Normalitéit vun der Neier Musek an hirem Liewen. Schonn als Kand konnt si eng Passioun fir méi modern Kläng entwéckelen, an esou spillt dat Experimentellt fir si och haut nach eng wichteg Roll. Sech trauen Neies ze entdecken an auszeprobéieren, dat war och ee vun de Grondsteng vun där enker Zesummenaarbecht mat der Komponistin Catherine Kontz.
- RMVA 2025 - Rencontres Musicales de la Vallée de l'Alzette
De Rosch Mirkes ass zanter hirer Grënnung am Joer 2001 Directeur artistique vun de Rencontres Musicales de la Vallée de l'Alzette. Ee Festival vu Januar bis Abrëll, dee sech der Aler Musek ugeholl huet a bei ville Leit aus der Klassikzeen Uklang fënnt. Hei trieden ausschliisslech international Kënschtler:innen op. Den Undrang bei de Museker:innen jiddefalls ass grouss, mee wéi gesäit et beim Public aus? Wéi grouss sinn d'Ännerunge vum Festival iwwer zwee Joerzéngten? Zitt déi Al Musek weiderhin zu Lëtzebuerg oder hëlt dee Genre u Public a Popularitéit zu Lëtzebuerg of? Doriwwer huet sech de Lex Kauffmann zesumme mam Rosch Mirkes am Gespréich ënnerhalen.
