Jean Jules Similien alias Toto Nécessité: hie kënnt aus dem Norde vun Haiti an ass ee vun den Artisten, déi d’Anthologie “Antilles chéries” virstellt. E gudde Choix vun Artisten, deen eis den Emile Omar hei proposéiert, hien ass ë. a Programmateur bei Radio Nova an hëlt eis mat dëser Compil mat op eng Rees duerch d’Antillen.
Vun der Sonn awer och vill Leed geniert ass d’Musek vun de Garifuna. Si sinn eng Mëschung vu freien Afrikaner an indigeene südamerikaneschen Awunner, déi hiren Ursprong hunn op der karibescher Insel Saint Vincent.
Psychedeelesche Rock aus Sambia vu Witch, eng Band, déi an de 70er Jore gegrënnt gouf, a “Waile” ass dat éischt neit Lidd zanter 1984 mam originale Frontmann vun deemools, dem Emmanuel 'Jagari' Chanda.
Aus dem Mali erreecht eis den neien Album “Diré” vum Idrissa Soumaoro. Hien ass e Meeschter vun der ngoni, e Säiteninstrument, eng traditionell westafrikanesch Gittar.
Déi amerikanesch Harfistin Brandee Younger vermëscht d’Traditioune vun hirem Instrument mat Jazz, Soul, Funk an och klasseschen Influenzen. Hiren Album “Brand New Life” vun dësem Joer ass en Hommage un d’Dorothy Ashby, eng aner schwaarz Musekerin op dësem Instrument, déi tëschent 1932 an 1986 gelieft huet.
De Fabrice Franck Henri, besser bekannt als Guts, ass e geschaten Dj an e richtege Museks-Archeolog an de Beräicher Hip-Hop, Downbeat, Funk, Soul a Global Groove. Eng weider “Straight From The Decks” Compil, de Vol 3 hu mir hei opleie mat e puer Pärelen an Decouvertë … en excellente Mix, deen de Guts hei proposéiert!
Den hollänneschen Duo Donna Blue léist mat sengem Debut Album “Dark Roses” eng Musek erkléngen, déi un e Soundtrack erënnert …
De Soundtrack vum David Lynch senger Tëleas-Serie “Twin Peaks” ass eng B.O., déi vum Angelo Badalamenti geschriwwe gouf a fir d’éischt den 11. September 1990 vu Warner Bros verëffentlecht gouf.
Den Angelo Badalamenti ass an enger anerer schéiner Kollaboratioun ze héieren, déi an den 90er erauskoum ënner dem Numm “Booth & The Bad Angel”.
Playlist:
1. Toto Necessitè - Cail la mandé rousé - Antilles chéries
2. The Garifuna Collective - Black Catbird - A Guide to the Birdsong of México, Central América & the Caribbean
3. Nora Kamm - Sensible (feat. Salimata Traore) - One
4. Witch - Waile - Waile
5. Idrissa Soumaoro - N’den Tedi - Diré
6. Adam Baldych & Yaron Herman - June - The New Tradition
7. Brandee Younger - Running Game - Brand New Life
8. Vincent Segal, David Walters, Ballaké Sissoko & Roger Raspail - Freedom - Nocturne
9. Lagos Thugs - Innocent Blood (Let It Be Known) - Straight from the Decks, Vol. 3 (Guts Finest Selection from His Famous DJ Sets)
10. Donna Blue - Cup of Time - Dark Roses
11. Julee Cruise - Into the Night - Twin Peaks (Soundtrack From)
12. Tim Booth & Angelo Badalamenti - Dance of the Bad Angels - Booth and the Bad Angel