Dem Mexikanesche Gittaren-Duo Rodrigo y Gabriela hiren neien Album "Our Home", deen dësen 18 September eraus komme wäert, ass eng eege-Produktioun déi zu Tokyo entstan ass. Déi 11 Lidder vum Album déngen als eng Erklärung vun hirer Léift zu Japan a sinn och als eng Meditatioun unzegesi fir ënnere Fridden ze fannen, heescht et.
Eng interessant Kollaboratiounen tëscht den Indie-Folk Gruppe Calexico an Iron & Wine, ass de gemeinsamen Album "Years to Burn". Den Disk ass zu Nashville opgeholl ginn a verbënnt de stëbsege Wüstenrock vu Calexico mam intimen a melancholesche Songwriting vum Sam Beam vun Iron & Wine.
"Calling England Home" ass e staarkt poetescht Lidd vum trinidadesch-engleschen Dichter a Museker Anthony Joseph. D'Lidd beliicht Generatioune vun der karibescher Migratioun an England, ugefaang an de Joren 1949, 1959 a schliisslech dem Joseph säin Ukommen an England 1989. Hei gëtt d'Fro opgeworf wéi laang muss een op enger Plaz liewe fir se wierklech "Doheem" nennen ze kennen.
"Sowal Diabi (From Kaboul to Bamako)" ass en interkulturelle Kooperatiounsprojet op deem mir Museker aus verschidde Regioune vun der Welt vereent héieren. Alleguer hunn se Erfarunge mat dem physeschen a kulturellen Exil.
Musikalesch Diversitéit och beim Ethio-Jazz-Pionéier Hailu Mergia sengem Album "Yene Mircha", deen erklénge léist datt et net nëmmen een traditionellen Ethio-Jazz-Sound gëtt. Den Hailu Mergia vermëscht hypnotesch psychedelesch Uergel-an Akkordeon-Melodië mat Elementer aus Funk, Jazz an traditionellen äthiopesche Rhythmen a souguer Dub-Influenzen.
En Hommage un dem Sergio Leone säi legendäre Western "The Good, the Bad and the Ugly" aus dem Joer 1966 héiere mer op "El Bueno Y El Malo" vun den Hermanos Gutiérrez an der gudder Gesellschaft vum Dan Auerbach vun The Black Keys.
Haut och dobäi, de Latin-Jazz Projet vum Avant-garde-Gittarist Marc Ribot. "y Los Cubanos Postizos", Esou heescht dësen excellenten Album aus dem Joer 1998 wou mer zum groussen Deel Kompositioune vum kubaneschen Tres-Spiller Arsenio Rodríguez héieren.
Calexico hire 9te Studio-Album "The Thread That Keeps Us" ass en Disk deen sech definéiert duerch däitlech méi rau a politesch Aussoen, beaflosst vun der Stëmmung an den USA zu där Zäit wou en entstan ass.
An dat war notamment d'Clinton-Lewinsky-Affär, den Opschwong vum Internet, eng Wirtschaft déi geboomt huet an e President dee wuel ënner Eed falsch ausgesot huet an dach beim Vollek wärend dem ganze Skandal beléift bliwwen ass. Net ze vergiessen ass de Konflikt mam Irak, en ëmstriddenen Agrëff vum Clinton an Afghanistan an d'Ermordung vum Afroamerikaner James Byrd Jr. an déi vum homosexuelle Student Matthew Shepard am Wyoming.
Dëst sinn e puer Hannergrënn vum Klima an den USA 1998, Zäit wou den Album "The Thread That Keeps Us" vu Calexico entstan ass.
Playlist:
01. Rodrigo y Gabriela - Akatsuki - OurHome
02. Calexico & Iron & Wine - The Bitter Suite - Years to Burn
03. Andrew Bird - Underlands - Inside Problems
04. Anthony Joseph - Calling England Home - The Rich Are Only Defeated When Running for Their Lives
05. Arat Kilo, Mamani Keïta, Rusan Filiztek & Siar Hashimi - Snow in Addis - Sowal Diabi (From Kaboul to Bamako)
06. KUTU, David Walters & Théo Ceccaldi - Yambara (feat. Hewan Gebrewold) [David Walters Remix] - Single
07. Hailu Mergia - Bayne Lay Yihedal - Yene Mircha
08. Avishai Cohen - Eleven Wives - Gently Disturbed
09. Marc Ribot & Marc Ribot y Los Cubanos Postizos - No Me Llores Mas
10. Hermanos Gutiérrez - Tres Hermanos (feat. Dan Auerbach) - El Bueno Y El Malo
11. Calexico - Curse of the Ride (Bonus Track) - The Thread That Keeps Us
12. Calexico - Longboard (Bonus Track) - The Thread That Keeps Us (Deluxe Edition)