100komma7.lu

/ D'Paula Folkes gëtt nei Direktesch vun NATO-Logistik- a Beschafungsagence zu Capellen

NATO

| 02.09.2026 - 11h42

1 min

D'Paula Folkes gëtt nei Direktesch vun NATO-Logistik- a Beschafungsagence zu Capellen

Der NATO hir Logistik- a Beschafungsagence NSPA zu Capellen huet eng nei Direktesch. D‘Paula Folkes huet de Posten e Méindeg vun der Stacey Cummings iwwerholl, esou de Communiqué vun der NATO "Support and Procurement"-Agence.

1 min

(Foto: picture alliance / NurPhoto | Beata Zawrzel)

Déi nei Direktesch huet virdrun ënner anerem am kanadesche Verteidegungsministère a bei der kanadescher Ambassade an den USA geschafft.

D‘Logistik- a Beschafungsagence vun der NATO, der hiren Haaptsëtz zu Capellen ass, koordinéiert den Akaf an déi logistesch Ënnerstëtzung vun der Militärallianz. D‘Agence hätt hire Geschäftsvolume an de leschte fënnef Joer méi wéi verdräifacht, heescht et am Communiqué.