Sou eng Maison de retour ass am Koalitiounsaccord virgesinn a muss och am Kader vum geplangten EU-Migratiouns- an Asylpakt ëmgesat ginn.
Déi éischt provisoresch Maison de retour kënnt an d‘Flüchtlings-Struktur SHUK um Kierchbierg. Si steet ënnert der Directioun vum Centre de rétention, wéi den Innen- a Familljeministère an engem Communiqué matdeelen.
Do gi Persounen ënnerbruecht, déi op hir Expulsioun waarden a Persounen, déi ënnert d‘Dublin-Reglement falen an an een anert EU-Land transferéiert ginn. An der neier Maison de retour sollen déi Mënsche besser encadréiert a begleet ginn, mam Zil, e fräiwëllege Retour vun de Flüchtlingen z‘erliichteren, heescht et am Communiqué.