Domat ass Éisträich dat éischt Land an der EU, dat de Regroupement familial ofschaaft. Den Dekreet soll schonn an e puer Wochen a Kraaft trieden. Zil wier et, sech virum Flüchtlingsstroum aus de leschte Joren ze schützen, heescht et vu Wien.
D‘Strukture fir den Accueil wieren un hir Limitte komm.
Zanter Mäerz ass déi nei éisträichesch Regierung am Amt. De konservative Kanzler Christian Stocker huet eng Koalitioun mat de Sozialdemokraten an de Liberalen. D‘Regierung steet awer ënner Drock, well déi riets-nationalistesch FPÖ bei de Wale stäerkste Partei gi war.
