Par rapport zu 2024 géif et do eng Hausse vu ronn 17 Prozentpunkte ginn. Kuerz drop kënnt dann den DAP an duerno d‘Formation technicien, esou de Generalsekretär vun der FEDIL, de Marc Kieffer.
Industriebetriber wieren am Transformatiounsprozess
Dat wier een Appell fir ze handelen, well déi gesichte Profiller géife sech änneren, sot d‘Héichschoulministesch Stéphanie Obertin.
"An där Enquête geet och ganz kloer ervir, datt de Qualifikatiounsniveau, deen d'Betriber sichen, sech weiderentwéckelt. An hei ass déi éischt Kéier och, datt am Fong de Bachelor déi meescht gefrote Qualifikatioun ass. Dat eng ganz interessant Entwécklung."
Dat géif bestätegen, wat si zënter e puer Joer observéieren, esou d'Stéphanie Obertin.
"Datt d'Lëtzebuerger Industrie an engem Transformatiounsprozess ass. Si digitaliséiert sech, si automatiséiert sech a si internationaliséiert sech. An dofir brauche mir och Profiller, déi an dësem Ëmfeld och kënnen evoluéieren."
Esouwäit d’Héichschoulministesch Stéphanie Obertin op der Presentatioun vun der neier Etüd vun der FEDIL zesumme mam Educatiounsministère an dem Ministère de travail.
