Et geet ëm déi sougenannte Prime d‘astreinte: 110 Mataarbechter aus verschiddenen Departementer vum TICE géife riskéieren, 22 Lounpunkte vun November un ze verléieren. Dat géife ronn 500 Euro de Mount ausmaachen, sou den OGBL an engem Communiqué. Doduerch géifen déi betraffe Salariéen och an der Pensioun verléieren.
Den OGBL fuerdert Explikatioune vum Inneministère a vun den TICE-Responsabelen, firwat déi Primm ofgeschaaft gëtt. An e fuerdert, datt Alternative gepréift ginn, fir deen Akommesverloscht ze kompenséieren.