Et ass déi éischte Kéier zënter 15 Joer, datt een europäesche Staatschef a Syrie reest. Wéi déi syresch Mënscherechtsorganisatioun mellt, wiere wärend der Visitt vum Emmanuel Macron zwou gréisser Explosiounen an der Haaptstad ze héiere gewiescht.
D'Explosioun, nieft dem Hotel, an deem den Emmanuel Macron ënnerbruecht ass, wier méi staark gewiescht, wéi déi am Zentrum vun Damaskus.
Emmanuel Macron net blesséiert
Detailer iwwer méiglech Doudesaffer oder de materielle Schued sinn offiziell nach net bekannt. Et wier ee Sécherheetsperimeter ronderëm déi zwou Plaze gezu ginn.
De Macron wier den Ament am Presidentepalais fir eng Entrevue mam syresche Staatschef Ahmed al-Scharaa. Hie wier net blesséiert ginn.
Ob et sech ëm een Attentat op de franséische President handelt, ass den Ament nach net offiziell bestätegt.
