Mat 1:0 konnte sech d’Kanadier géint Südafrika duerchsetzen. An engem Match, an deem vu béiden Ekippen eng gewëss Nervositéit ausgaangen ass, an deemno vill onprezis Passe gespillt goufen, waren et d’Südafrikaner, déi an der éischter Hallschent méi vum Match haten.
D’Kanadier hunn am Géigenzuch probéiert, séier no vir ze spille wa si de Ball haten, mee dat ass hinnen net dacks gelongen.
Neie Schwong mam Bayern-Star
An der zweeter Hallschent ass de Match verflaacht. Déi eenzeg gutt Chancë sinn op de Kont vu Kanada gaangen. Wéi dunn an der 75. Minutt de kanadeschen Ausnamespiller Alphonso Davies agewiesselt gouf, krut de Match neien Elan.
Et huet allerdéngs bis an d’Nospillzäit gedauert, bis d’Kanadier de Lucky Punch fonnt hunn. Um Strofraum kritt de Stephen Eustáquio de Ball a schéisst e per Volley an de Gol.
D’Kanadier treffen elo de 4. Juli op de Gewënner vum Match Holland géint Marokko.
Weider 16.-Finall-Partien:
Däitschland – Paraguay
Brasilien – Däitschland
Holland – Marokko
Elfenbeinküst – Norwegen
Frankräich – Schweden
England – DR Kongo
Mexiko – Ecuador
Belsch – Senegal
USA – Bosnien Herzegowina
Spuenien – Éisträich
Portugal – Kroatien
Schwäiz – Algerien
Australien – Ägypten
Argentinien – Cap Vert
Kolumbien - Ghana
