"Article 353 du code pénal" - e kalen Titel fir e Buch voller mënschlecher Zich.
Wann Dir op der Sich no engem gudde Buch sidd - géift Dir dann dat mam Titel "Article 353 du code pénal" spontan huelen? Wuel éischter net. Wie wëllt Literatur liesen, hëlt wahrscheinlech éischter e Buch, dat vum Titel hier net e Gesetzestext evoquéiert. An dësem Fall wär dat Schued. Well hanner dem Gesetzestext verstoppt sech eng ganz interessant a virun allem héchst mënschlech Geschicht, geschriwwe vum bretoneschen Auteur Tanguy Viel a priméiert mam Prix RTL Lire. D'Nathalie Bender huet sech mam Auteur ënnerhalen.
