Zanter 2005 ass all Joer um 9 Juni d'Journée internationale des archives, en Dag wou ganz besonnesch d'Roll vun den Archiven an d'Aarbecht vun den Archivisten an Archivistinnen an de Mëttelpunkt gestallt gëtt. Dofir war dem Jean Claude Majerus seng Invitée um internationalen Dag vun den Archiven och eng Archivistin, d'Nadine Zeien aus dem Nationalarchiv. Déi Journée internationale des Archives och enorm wichteg fir dëse Beruff no baussen hi bekannt ze maachen, an och ze entstëbsen. Am Kontext vun der Journée mondiale, déi ënnert der Iwwerschrëft "Nous sommes les archives" steet, organiséiert de VLA, de Veräin vun de Lëtzebuerg Archivisten zu Lëtzebuerg de Mount vun den Archiven mat deem selwechten Zil wéi d'Journée mondiale.
Zanter 20 Joer schafft d'Nadine Zeien, déi studéiert Historikerin ass, ewell schonn an den Archiven, eng Aarbecht déi se bis haut faszinéiert. Dernieft betount d'Nadine Zeien awer och datt si de Privileeg huet praktesch all Dag nach eppes bäi ze léieren.
"Dass dat wat faszinant un deem Beruff ass, ech ginn heem an ech hunn ëmmer d'Gefill wéi wann ech iergendeppes bäigeléiert hunn, wat ech Moies nach net wosst."
Et gouf en Aha-Moment
Vun der Formatioun hir ass d'Nadine Zeien Historikerin mat Schwéierpunkt Mëttelalter. Si huet zu Bréissel a Louvain-la-Neuve studéiert an datt se genee an déi Directioun goung dofir gouf et en Aha-Ament.
"Jo, absolut, deen éischten Aha-Moment wou ech geduecht hunn, a jo dat ass eppes wat dech immens intresséiert, dat war mäi Paläographie-Cour, wou ech dann eben al Schrëften geléiert gi sinn, mä do hu mer op Kopien geschafft, dat war eben net méiglech fir do op Originalen ze schaffen."
Méi dunn méi spéit war et zu Louvain e Cour an der Kodikologie, wéi ee studéiert wéi Handschrëften entstinn, wou d'Nadine Zeien als Student d'Méiglechkeet krut, al Handschrëften an der Bibliothèque royale zu Bréissel kodikologesch ze beschreiwen.
"An dunn hat ech déi Handschrëft aus dem Mëttelalter viru mir leien, op Pergament geschriwwen an dann mat esou enger Ketten drun, well dat ganz wäertvoll Objeten och waren. Deemools sinn déi dann och ugestréckt ginn, dann de Liedersaband, dat riicht natierlech ganz speziell. A wann een dat da wierklech däerf opmaachen a kucken an dréinen a kéieren a beschreiwen. Also du hunn ech wierklech geduecht, dat do ass eppes fir dech. Dat war dee groussen Aha-Moment."
De 9 Juni ass wéi gesot d'Journée international des archives, an do zielt #ArchivesAreYou oder #NousSommesLesArchives
