Quetschen och!
De Quetschebam, Prunus domestica, gouf am 12. Joerhonnert aus Asien no Europa bruecht. Haut ginn et méi wéi 2.000 Zorten. An eise Géigende sinn am beschte bekannt: Quetschen, Prommen, Mirabellen a Réngglotten. Hir Saison geet vu Juli bis Enn September-Oktober.
Den Ënnerscheed tëschent Prommen a Quetschen:
Quetsche si méi kleng wéi Prommen, hunn eng méi laang Form, a sinn donkel violett. Si léise sech besser vum Steen an d'Fruuchtfleesch bleift méi fest wéi bei der Promm.
Rezept Iddien:
Eng einfach a schnell alternativ zu eiser klassescher Quetschentaart mat Hiefdeeg, kann een Quetschenklafoutis maachen; Traditionell kënnt de Clafoutis mat Kiischten aus dem Limousin a gëtt wéi en Flan mat Mëllech, Miel, Eeër an Zocker zoubereet.
Beim Aperitif gedréchent Quetschen gefëllt mat Roquefort, eng intressant alternativ zu den Quetschen am Speckmantel
Lënsenzopp mat gedréchenten Quetschen
Am Couscous Roséngen duerch gedréchent Quetschen ersetzen
Kompott: Waasser mat wéineg brongem Zocker,opkachen, mat e bësschen Kanéil an Ingwer gewierzt, mixen, ofkillen loossen, als Kompott op der Schmier, eng schnell Alternativ zu dem Quetschekraut wou jo vill Zäit verdangt bei der Hierstellung
Den Quetschenkoulis kann een och an Äis Wierfel afréieren anspontan schnell mat Jughurt mixen fir eng erfrëschend liicht Glace oder en delikaten Sorbet ze genéissen
Mat der Dieteticienne Lis Muller
Referenzen:
Delorme , H. (2014). Le répertoire des aliments et des saveurs. Flammarion
Ducasse A. & Neyrat P. (2009). Nature, simple sain et bon. Alain Ducasse
Fondation Hëllef fir Natur. (1995). Kachen a brachen mat Quetschen. Offset Saint-Paul SA
Lecerf, J.-M. S.-L. (2020). Nutrition préventive et thérapeutique. Elsevier Masson
M. K. (2017). Déshydrater les aliments chez soi. Editions de Terran
