Den Dylan Marques alias saintdegaspar ass e portugiseschen Artist, deen zu Lëtzebuerg opgewuess ass. Hie leet zënter dräi Joer op a lieft aktuell zu Berlin.
Momentan huet hien eng Residence zu Bréissel beim Community Radio Microwave.
Stilistesch setzt saintdegaspar sech keng Grenzen. Mol spillt hien Ambient, mol Funk an Afro-Sets, an ëmmer gär Hiphop. Seng Sets gesäit saintdegaspar e bësse wéi eng Rees, wou hien eng Landkaart mathëlt, op déi hie sech awer net zevill fixéiert.
