De Samir Chani huet lëtzebuergesch an algeeresch Wuerzelen. Hien ass zu Lëtzebuerg opgewuess an huet dräi Joer vu sengem Liewen zu New York a siwen zu London verbruecht.
Zu London gouf et vill jonk Leit tëschent 20 an 30 Joer ginn, déi zu Lëtzebuerg deemools gefeelt hätten. Dofir hätt hie seng 20er an der englescher Haaptstad verbruecht. Mee hie wier frou, nees zu Lëtzebuerg ze sinn. Hei kéint ee mëttlerweil och gutt erausgoen.
Niewent dem Opleeën a Produzéiere vun elektronescher Danzmusek organiséiert de Samir och selwer Eventer mat sengem Kollektiv Secret Roots.
Stilistesch ass hien éischter oldschool: De Sound aus den amerikanesche Museksmetropolen Detroit, Chicago an New York aus de spéiden 80er bis déi fréi 2000er.
