En Hommage un de Sundiata Keita, legendäre Prënz aus dem 13te Joerhonnert a Grënner vum Mali Empire, héiere mer vu Studio Bros, e portugiseschen Elektro-Duo zesumme mam Elektro-Dj a Produzent Dandara.
Ethio-Jazz Melodien, Afrobeat a psychedelesch Dub-Grooves; dat ass d’Mëschung vum 5 käppegen Hybrid-Jazz Combo vu Ghent Black Flower um Album “Future Flora”.
World-Fusion vum Feinsten aus de Mëtt 90er Jore lauschtere mer vum italieeneschen Ensembel Agricantus hirem Konzept-Album “Touareg”.
Den Neil Young huet den 18ten September säi 50ten Album erausbruecht “Second Song”. Den Album ass an de bekannte Shangri-La Studios zu Malibu opgeholl gi mat senger aktueller backing Band, The Chrome Hearts.
“Long Goodbye” ass eng schéi Soul-Ballad vun der brittescher Singer-Songwriterin Kat Eaton hirem Album “What Happens Now”. Den Disk deen am Mee dëst Joer erauskoum an ass staark vum Soul aus de 60er a 70er beaflosst.
“Dhyana and Donalogue” ass e vokale Fusion-Track vun der indesch-englescher Sängerin Sheila Chandra. Zwou Traditioune ginn hei juxtaposéiert: eng iresch Ballad déi sech mat komplexen islamesche Vokal-Influenze verwieft. Mir lauschteren haut net d’Original aus dem Joer 1992 vun hirem exzellenten Album “Weaving My Ancestors Voices” mee vun hirem neien Album “Echo” Disk mat Live-Opnamen deen dëser Deeg via Real World erauskoum.
“Mi Piel De Animal” (meng Déierenhaut) ass en Extrait aus dem argentinesche Multi-Instrumentalist a Komponist Axel Krygier sengem Avant-Garde Pop-Album “Hombre De Piedra”. Strukturéiert wei de Soundtrack vun engem Film, den Hombre de Piedra (Steen-Mensch) verléisst seng prehistoresch Höl an taucht an der moderner Welt op.
En éischte Virgeschmaach op de neien Album vu A-Filetta “Clair Obscur “ Disk deen di korsesch Vokal-Traditioun mat fernëstleche Straicher an Arrangementer verbënnt.
Last but not Least, en onëmgängleche Blues dee markéiert ass vun emotionaler Déift, Leidenschaft an dynamescher Kontroll …
Playlist:
01. David Walters - Kryé Mwen - Single
02. Sundiata Keita - Studio Bros & Dandara - Different
03. Agricantus - Hal Hala - Touareg
04. Black Flower - Early Days of Space Travel, Pt. 2 - Future Flora
05. Neil Young - Day after Day - Second Song
06. Ben Sidran - Sixteen Tons - Don’t Cry For No Hipster
07. Kat Eaton - Long Goodbye - What Happens Now
08. Sheila Chandra - Dhyana and Donalogue - Echo
09. A-Filetta - L’anghjuli - Clair Obscur
10. Axel Krygier - Mi Piel De Animal - Hombre De Piedra
11. Stevie Ray Vaughan - Tin Pan Alley (aka Roughest Place In Town)