Philo am Gespréich
Philosophie a Schoul
54 min
Jorelaang sëtze mir zesummen an der Schoul - dat wierkt wéi selbstverständlech. Wien net an d'Schoul gaangen ass, schéngt spéider keng Chance ze hunn. Mee wat ass déi Schoul iwwerhaapt? Wat soll se sinn, huet si ee politeschen Optrag? Oder awer een anthropologeschen? Onofhängeg vun den edele Bildungsidealer vum 18. Joerhonnert - jiddweree soll sech zu senger Persoun bilde kënnen - stellt Philo am Gespréich hei ganz konkret d'Konzept Schoul an de Mëttelpunkt.
Mam Philippe Demart, Schoulmeeschter an an der Direktioun vum Lycée Ermesinde täteg, stellt sech d'Fro, wéisou d'Schoul an deem enke Cadrage, dee se haut bestëmmt, mat Notten, Programmer a Kompetenzpréifungen, ganz vill vun där Fräiheet fräiwëlleg anzebéisse schéngt, déi se awer eigentlech bräicht, fir ee liewegen Erfarungsraum ze sinn.
Episoden
D’Relioun an hire Géigestand
Mam Louis Berger (Redakter vu Kirche & Leben, Münster) schwätzt d’Nora Schleich ë. a. doriwwer, wat Relioun eigentlech ausmécht a wéini den einfache Glawen zur Relioun gëtt.
Philosophie a Politik
D'Politik ass dës Kéier am Studio fir sech philosophesch ze hannerfroen, an dëst a Persoun vu kengem anere wéi dem Jean-Claude Juncker
Philosophie a Schoul
D'Konzept Schoul am Mëttelpunkt: Wat ass Schoul? Wat soll se sinn, huet si ee politeschen Optrag? Oder awer een anthropologeschen?
Philosophie a Konscht
Mat der Nora Wagner, fräischaffend Kënschtlerin, gëtt diskutéiert, wéini et iwwerhaapt ëm Konscht geet, wat dat fir eis bedeite soll an a wéi enge Formen eis eppes als Konscht uschwätze kann.
Philosophie an Natur
Wat Natur iwwerhaapt ass, wéi d'Mënschen Natur begraff hunn a begräifen, a wéisou d'Relatioun Mënsch-Natur am 21. Joerhonnert ufänkt ze zerfalen, gëtt diskutéiert.
Philosophie a Spill
Wat bedeit Spille fir eist Mënsch-Sinn, a wéisou ka behaapt ginn, datt eis Kultur aus dem Spillen entstanen ass? Am Gespréich mam Erik Eschmann, dee faszinant Perspektiven zum Theema Spill matbréngt.