Retromania
E Film no un der Perfektioun
12 min
An der Filmgeschicht ginn et Filmer déi een als Klassiker tituléiert, sief dat elo « Casablanca », « Gone with the wind », « Ben Hur « an esou weider.
Zu där Kategorie gehéiert dann och nach e Film dee viru 75 Joer e Succès op der ganzer Welt feiere konnt, dem brittesche Realisateur Carol Reed säi Film “The Third Man” oder op däitsch “Der dritte Mann”
Vill Kritiker sinn der Meenung datt wa vum perfekte Film ka riets goen, “The Third Man” där Definitioun ganz no géif kommen.
Et gi net ganz vill Filmer déi et fäerdeg bruecht hunn, hir Zäit esou detailléiert erëmzeginn, wéi dëst schwaarz-wäisst Meeschterwierk.
An dofir ass dëse Film “Der dritte Mann” an och déi weltbekannte Filmmelodie vum Anton Karas déi Kéier, dem Jean Claude Majerus säin Sujet am Retromania.
An de Anton Karas ass elo och schonn 40 Joer dout, den 10 Januar oder Jänner wéi se an Éisterräich soen 1985. En Anton Karas deen op senger Zither déi weltbekannt Melodie fir dem Carol Freed säi Meeschterwierk an der Kinosgeschicht “The Third Man” komponéiert huet, e Film deen wéi gesot viru 75 Joer e grousse Succès op der ganzer Welt erlieft huet.
Presentéiert vum
- Jean-Claude Majerus
Episoden
E Film no un der Perfektioun
Dem Carol Reed säin Filmmeeschterwierk "The THird Man" hat viru 75 Joer weltwäit e rise Succès.
Rio Reiser: De Kinnek vun Däitschland
De däitsche Kult-Rockmuseker a „König von Deutschland“ Rio Reiser hätt d’lescht Woch 75 Joer kritt, en ass awer 1996, 46 Joer jonk gestuerwen. De Jean Claude Majerus erënnert un de Rio Reiser a sengem Retromania
Marc Oinger: E Pilier vum Theater zu Lëtzebuerg
Den 8. Januar 2015, virun 10 Joer, ass e Pionéier vun der Lëtzebuerger Theaterzeen gestuerwen.
Albert Camus: De Philosoph vum Existenzialismus
De Literaturnobelpräislaureat vun 1957 koum haut op den Dag (4.1.) viru 65 Joer op eng éischter absurd Manéier ëm d'Liewen.
Samuel Beckett: Dee groussen Dramatiker mat senger knapper Sprooch
Deen ireschen Auteur ass viru 35 Joer, den 22. Dezember 1989, zu Paräis gestuerwen. “Waitung for Godot” ass dem Beckett säi bekanntste Wierk, mee och aner Stécker hunn déi modern Theaterliteratur decisiv beaflosst.
Rudolf Platte: Seng traureg Manéier war seng Komik
Ee vun de leschte richtegen däitsche Volleksschauspiller, de Rudolf Platte, ass den 18. Dezember 1984, viru 40 Joer deemno, gestuerwen.
Nic Klecker: E bedeitenden Humanist
De Lëtzebuerger Auteur, Professer, Mënscherechtler, fréiere President vun Amnesty International Lëtzebuerg a vun der Comission consultative des droits de l’homme ass de 14. Dezember 2009 am Alter vun 81 Joer gestuerwen.
De "Band-AId"-Projet gouf viru 40 Joer lancéiert
Viru 40 Joer gouf d'Lidd "Do They Know It's Christmas" publizéiert an domadder eng eenzegaarteg Well vu Solidaritéit lancéiert an een aussergewéinleche solidaresche Mouvement gebuer.
Eugène Ionesco: E Pilier vum absurden Theater
Virun 115 Joer gouf de franséischen Dramatiker Eugène Ionesco a Rumänie gebuer, Matgrënner vum absurden Theater.
Jeanne-Claude: Eng aussgewéinlech Open-Air-Artistin
Déi renomméiert Open-Air-Artistin a Partnerin vum Christo ass den 18. November 2009 viru 15 Joer zu New York am Alter vu 74 Joer gestuerwen.
Jukebox
De Museksapparat gouf virun 135 Joer an den USA erfonnt.
Dräi Schrëftsteller an dräimol 95 Joer
Viru 95 Joer koumen an enger Woch, bannent 3 Deeg, tëschent dem 9. an 12. November, 3 grouss Schrëftsteller op Welt: de Michael Ende, den Imre Kertesz an den Hans Magnus Enzensberger.
Henri Matisse: D'Faarf huet d'Haaptroll gespillt
Dee bedeitende franséische Moler ass den 3. November 1954 gestuerwen,viru 70 Joer deemno.
Paul Margue: En Historiker duerch an duerch
Den Historiker, Auteur a fréiere Chefredakter vum Geschichtsmagasin “Heemécht” Paul Margue ass de 27. Otkober 2019, viru 5 Joer, am Alter vu 96 Joer gestuerwen.
Doris Lessing: Den Nobelpräis, e verdammten Desaster
Déi brittesch Schrëftstellerin a Literaturnobelpräislaureatin vum 2007 Doris Lessing ass den 22 Oktober 1919 also virun 105 Joer gebuer ginn. A si ass de 17. November 2013 mat 94 Joer gestuerwen.
Leonard Cohen_ De Song-Poet mat der eenzegaarteger Stëmm
De Leonard Cohen hätt den 21 September dëst Joer 90 Joer kritt. De Leonard Cohen ass awer den 7 November 2016 am Alter vun 82 Joer gestuerwen.
Marcello Mastroianni: Seng Stäerkte ware Melancholie an Emotioun
De Marcello Mastroianni koum virun 100 Joer op d'Welt an ass 1996 am Alter vun 72 Joer gestuerwen.
Fernand Fox: "De Fern ass net méi do"
Den Acteur a Sänger Fernand Fox ass dës Woch am Alter vun 90 Joer gestuerwen.
Caterina Valente: D'Ausnameartistin ass gestuerwen
D'Sängerin, Dänzerin, Gittaristin, Actrice an Entertainerin an enger Persoun ass den 9. September am Alter vun 93 Joer gestuerwen.
