Kultur um 5
Kultur um 5
55 min
"Night Call", esou heescht déi néi Single, déi déi zwee Lëtzebuerger Museker Chaild a Maz haut erausbruecht hunn. E Lidd, mat deem si och an d'Renne gi fir Lëtzebuerg d'nächst Joer um Eurovision Song Contest zu Malmö ze vertrieden. Si si bei eis am Studio fir iwwer d'Lidd an hir Ambitiounen ze schwätzen.
Virun engem Mount hu sech eng hallef Dosen Designer:innen op der Hollerecher Strooss am Design Hub installéiert an d'lescht Woch gouf en ageweit. D'Kerstin Thalau war op der Inauguratioun an huet Reaktioune matbruecht.
An da stellt eis de Michel Delage nach d'Buch "The Idiot of St. Benedict and Other Stories" vir. E Wierk vum John-Paul Gomez, mat dem hien d'lescht Joer den Nationale Literaturconcours gewonnen hat.
Presentéiert vum
- Pit Walté