/ Joe Biden: Regionale Krich am Noen Oste verhënneren
Wéinst der Eskalatioun vum Krich am Noen Oste wëllt den US-President Joe Biden mam israeelesche Premier Benjamin Netanjahu schwätzen. Dat sot den Joe Biden Journalisten op enger Militärbase an den USA. Et misst onbedéngt verhënnert ginn, datt de Krich tëschent Israel an der Hisbollah-Miliz am Libanon sech op déi ganz Regioun ausbreet, sot den Joe Biden.
1 min
Iwwerdeems fiert Israel viru mat intensive Loftattacken géint Ziler vun der Hisbollah am Libanon. De libaneesesche Premier sot, bis zu enger Millioun Leit am Libanon kéinte gezwonge ginn, virun der Gewalt ze flüchten. Bannen der leschter Woch koumen am Libanon méi wéi 800 Leit bei den israeelesche Bombardementer ëm d'Liewen.
Israel huet gëschter och Positioune vun den Huthi-Rebellen am Jemen aus der Loft ugegraff.