One World

Dee franséischen Dj a Produzent Guts ass e fréiere Member vun Alliance Ethnik. Um Album “Philantropiques” sinn eng Rëtsch Gaaschtinvitéen ze héieren, deenen et derwäert ass en Ouer ze schenken.

De Peter Solo vun der Formatioun Vaudou Game ass am Togo gebuer op enger Plaz, wou d’Voodoo-Kultur gelieft gëtt. Esou gouf hie grouss mat dësen Traditiounen, bei deenen de Respekt vun all Liewensforme wichteg ass.

En éischten neien Album no bal dräi Joerzéngte kennt vum Acid-Jazz Outfit Galliano: “Halfway Somewhere”, et ass e würdegen Nofolger vun hirem Debut “In Pursuit of the 13th Note”.

D’Pat Metheny Group lauschtere mir vum Album “Offramp” mat hirem ganz eegene Stil vun der deemoleger zäitgenësseger Jazz-Fusioun. D’80er hu jo den Ufank vun neien Instrumenter gesinn, hei héiert Dir z. B. dem Metheny säi Gittar-Synthesizer, e Roland GR-300, deen hie fir d’éischt wärend dëser Session benotzt huet.

De Sage Motel zu San Francisco war fir d’éischt e Stopover fir Biker an Trucker an de 40er Joren, dunn an de 60er a 70er Joren en Treffpunkt fir Artisten, Weltebummler a Vagabunden. Dëser Plaz hunn d’Monophonics mam Kelly Finnigan en Album gewidmet.

De Stef Kamil Carlens war ee vun de Grënner-Membere vun dEUS, do huet hien de Bass gespillt an och gesongen. 97 huet hien dEUS verlooss, fir sech op seng eege Band Zita Swoon ze fokusséieren. Elo ass en ënner sengem Numm ënnerwee.

Playlist:
1. Guts - Já Não Há Mais Paz (feat. Catia Werneck) - Philantropiques
2. Vaudou Game - Locataire - Kidayu
3. Zap Mama - Kaleidoscope - Eclectic Breath
4. Galliano - Circles Going Round The Sun - Halfway Somewhere
5. The Hawds - See What You Started - The Hawds Greatest Flops Volume 1
6. Pat Metheny - Are You Going With Me - Offramp
7. Warhaus - Time Bomb - Ha Ha Heartbreak
8. Kovacs - My Love - Shades of Black
9. Gabriels - Loyalty - Loyalty - Single
10. Monophonics & Kelly Finnigan - Sage Motel - Sage Motel
11. Stef Kamil Carlens - Back On the Road - Making Sense Of ∞
12. The Coral - North Wind - Sea Of Mirrors

Episoden